«Վա՜յ, էս ինչո՞ւ ես նիհարել, հո բան չի՞ եղել». Փաշինյանը կոչով դիմել է ժողովրդին

Վարչապետ Նիկոլ Փաշինյանի խոսքով՝ ավելորդ քաշը տարածված խնդիր է, և բոլորը դրա հետ առնչվում են։ Կառավարության այսօրվա նիստում նա ասաց. «Մենք բոլորս ունենք այդ պրոբլեմը, ինչքան նիհարում ենք, դեռ հինգ անգամ էլ պիտի նիհարենք, լավ, հինգ անգամ շատ ասեցի, նիհարենք այնքան, որ հասնենք նորմատիվային քաշերին»։

Փաշինյանը նաև նշեց, որ ներկայում մարդիկ, տեսնելով որևէ մեկի նիհարելը, հաճախ հարցնում են՝ «վա՜յ, էս ինչո՞ւ ես նիհարել, հո բան չի՞ եղել»։