Ուկրաինական հարցի կարգավորման շուրջ բաց հարցեր դեռևս մնում են. Մելոնի

Ուկրաինական հարցի կարգավորման շուրջ բանակցություններն առաջընթաց են գրանցել, սակայն բաց հարցեր մնում են։ Այս մասին հայտարարել է Իտալիայի վարչապետ Ջորջիա Մելոնին եվրոպական այլ առաջնորդների, ԱՄՆ նախագահ Դոնալդ Թրամփի և Վլադիմիր Զելենսկու հետ հեռախոսազրույցից հետո։

«Նախագահ Թրամփը և Զելենսկին ուրվագծեցին ընթացող բանակցություններում ձեռք բերված արդյունքները, մասնավորապես՝ անվտանգության երաշխիքների վերաբերյալ, և ընդգծեցին մնացած հարցերը։ Վերահաստատում եմ միասնության կարևորությունը այն ժամանակ, երբ բանակցային գործընթացում առաջընթաց է գրանցվել», - ասվում է Իտալիայի վարչապետի հայտարարության մեջ։