Ցանկացած ագրեսիայի և ճնշման նկատմամբ կլինենք կոշտ․ կստիպենք ձեզ զղջալ․ Իրանի նախագահը սպառնացել է ԱՄՆ-ին

ԱՄՆ նախագահ Դոնալդ Թրամփի սպառնալիքներից հետո Իրանի նախագահ Մասուդ Փեզեշքիանը հայտարարել է, որ Թեհրանի պատասխանը Ամերիկայի ագրեսիային կլինի «շատ կոշտ»։

«Իրանի Իսլամական Հանրապետության պատասխանը ցանկացած ագրեսիայի և ճնշման նկատմամբ կլինի կոշտ և կստիպի ձեզ զղջալ», - սոցիալական ցանցերում գրել է Իրանի նախագահը։

Հավելենք՝ ավելի վաղ ԱՄՆ նախագահ Դոնալդ Թրամփը հայտարարել էր, որ կաջակցի Իրանի դեմ նոր հարվածներին, եթե շարունակեն զարգացնել հրթիռային և միջուկային ծրագրերը։