Լևոն Արոնյանը 2025-ին ամենաշատ վաստակած գրոսմայստերների եռյակում է. մանրամասներ

2025 թվականին ամենաշատ վաստակած գրոսմայստերը նորվեգացի Մագնուս Կարլսենն է։ Շախմատի աշխարհի 16-րդ չեմպիոնն անցած տարի մասնակցել է 16 մրցաշարի եւ վաստակել է 1,455 միլիոն դոլար, հաղորդում է Chess.com-ը։

Երկրորդ տեղում է ամերիկացի Ֆաբիանո Կարուանան, որը մասնակցել է 19 մրցաշարի և վաստակել է 889 հազար դոլար։

Հայաստանի հավաքականի նախկին առաջատար Լևոն Արոնյանը (ԱՄՆ) եզրափակում է առաջատար եռյակը։ Նա մասնակցել է 15 մրցաշարի և վաստակել է 751 հազար դոլար։

Հաշվարկը կատարելիս ներառվել են հաղթանակի համար առնվազն 10 հազար դոլար մրցանակով մրցաշարերը։