Թրամփը «կանաչ լույս» է վառել Ռուսաստանի դեմ պատժամիջոցները խստացնելու օրինագծին

Հանրապետական ​​սենատոր Լինդսի Գրեհեմը հայտարարել է, որ ԱՄՆ նախագահ Դոնալդ Թրամփը «կանաչ լույս» է վառել Ռուսաստանի դեմ պատժամիջոցները խստացնելու իր օրինագծին։

«Նախագահ Թրամփի հետ այսօր մի շարք հարցերի շուրջ շատ արդյունավետ հանդիպումից հետո նա կանաչ լույս է վառել Ռուսաստանի դեմ երկկուսակցական պատժամիջոցների օրինագծին, որի վրա ես ամիսներ շարունակ աշխատել եմ սենատոր Բլյումենտալի և շատ ուրիշների հետ», - գրել է Գրեհեմը X սոցիալական ցանցում։

Գրեհեմը նաև հույս է հայտնել, որ օրինագծի վերաբերյալ քվեարկությունը տեղի կունենա «արդեն հաջորդ շաբաթ»։

Գրեհեմը և նրա դեմոկրատ գործընկեր Ռիչարդ Բլյումենտալը այս օրինագիծը ներկայացրել են անցյալ տարվա ապրիլի սկզբին։