Ադրբեջանից Հայաստան է ուղարկվել մոտ 980 տոննա վառելիք. ԶԼՄ

Ինչպես հաղորդում են ադրբեջանական լրատմիջոցները հունվարի 11-ին, Բիլաջարի կայարանից Բոյուկ Քեսիկի ուղղությամբ ուղարկվել է 18 վագոնից բաղկացած գնացք, որը բեռնված է եղել 979 տոննա AI-92 շարժիչային բենզինով։

Բեռը Հայաստան կհասցվի տարանցիկ ճանապարհով՝ Վրաստանի տարածքով։

Նշենք, որ 2026 թվականի հունվարի 9-ին Բիլաջարի կայարանից Հայաստան է ուղարկվել 1742 տոննա AI-95 բենզին և 956 տոննա դիզելային վառելիք՝ ընդհանուր առմամբ 2698 տոննա (ընդհանուր 48 վագոն):

Ավելի վաղ՝ Հայաստան էր ուղարկվել 1220 տոննա AI-95 շարժիչային վառելիք։