Կուբան կպայքարի մինչև արյան վերջին կաթիլը. նախագահ

Կուբայի նախագահ Միգել Դիաս-Կանելը հայտարարել է, որ իր երկիրը 66 տարի շարունակ ենթարկվում է ԱՄՆ-ի հարձակումներին: Այդ մասին նա գրառում է կատարել X սոցիալական հարթակում:

«Կուբան չի հարձակվում. այն 66 տարի շարունակ ենթարկվել է Միացյալ Նահանգների հարձակմանը: Այն որևէ սպառնալիք չի ներկայացնում: Կուբան պատրաստվում է պաշտպանվել. կպայքարի մինչև արյան վերջին կաթիլը», - գրել է Կուբայի նախագահ Միգել Դիաս-Կանելը:

Հավելենք՝ ԱՄՆ նախագահ Դոնալդ Թրամփը նախկինում հայտարարել էր, որ Կուբան այլևս չի ստանա վենեսուելական նավթը որպես փոխհատուցում անվտանգության ծառայությունների համար։