Ռուտտեն չի կարող բանակցություններ վարել ԱՄՆ-ի հետ Գրենլանդիայի հարցով․ Դանիայի վարչապետ

Դավոսում ՆԱՏՕ-ի գլխավոր քարտուղար Մարկ Ռուտտեի և ԱՄՆ նախագահ Դոնալդ Թրամփի միջև բանակցություններից հետո որոշ լրատվամիջոցներ հայտնել են, որ համաձայնագրի շրջանակներում Դանիան կարող է ԱՄՆ-ին տրամադրել «ինքնիշխանություն Գրենլանդիայի փոքր տարածքների նկատմամբ»՝ ռազմական բազաների կառուցման համար։

New York Times-ին տված հարցազրույցում Դանիայի վարչապետ Մետտե Ֆրեդերիկսենը ընդգծել է, որ ինքնիշխանություն տրամադրելու գաղափարը «կարմիր գիծ» է, որը Դանիան չի հատի, և Ռուտտեն լիազորված չէ նման բանակցություններ վարել իր երկրի անունից։

Ֆրեդերիկսենը գովաբանել է Դանիայի և ԱՄՆ-ի միջև 1951 թվականի պաշտպանության պայմանագիրը, բայց չի բացառել դրա վերանայումը։