Դա ռիսկեր է ստեղծում ամբողջ տարածաշրջանի համար. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ այլ երկրների, հատկապես հարևան Իրանի ներքին գործերին արտաքին միջամտությունը կարող է լուրջ ռիսկեր ստեղծել ողջ տարածաշրջանի համար։

Այս մասին նա նշել է Եգիպտոսի նախագահ Աբդել Ֆաթթահ աս-Սիսիի հետ Կահիրեում կայացած համատեղ մամուլի ասուլիսի ընթացքում։

«Ամենահարմար և արդյունավետ ճանապարհը Իրանի հետ առկա խնդիրների, այդ թվում՝ միջուկային գործարքի հարցի կարգավորումն է բացառապես դիվանագիտական մեթոդներով»,- ընդգծել է Թուրքիայի նախագահը։

Էրդողանի խոսքով՝ տարածաշրջանային կայունության և անվտանգության պահպանման համար անհրաժեշտ է խուսափել ուժի կիրառման կամ քաղաքական ճնշման փորձերից՝ նախապատվությունը տալով երկխոսությանը և բանակցություններին։