Ռուսաստանում աշխատուժի սուր դեֆիցիտ է. Bloomberg

Ռուսաստանը բախվում է աշխատուժի լուրջ դեֆիցիտի և ստիպված է ներգրավել աշխատողներ Ասիայի մի շարք երկրներից: այս մասին գրում է Bloomberg-ը։

Ռուսաստանում աշխատուժի սուր պակաս է ձևավորվել ժողովրդագրական ճգնաժամի և Ուկրաինայի հետ կապված պատերազմի հետևանքով։ Հրապարակման համաձայն՝ իրավիճակը ստիպում է Մոսկվային ակտիվորեն որոնել աշխատողներ արտասահմանից՝ մասնավորապես Հնդկաստանից, Շրի Լանկայից և այլ երկրներից։

Գործակալության տվյալներով՝ մինչև 2030 թվականը Ռուսաստանին անհրաժեշտ կլինի շուրջ 11 միլիոն նոր աշխատող։ Արդեն այժմ օտարերկրյա աշխատուժը, այդ թվում՝ Հարավային Ասիայի երկրներից, Հյուսիսային Կորեայից և Չինաստանից, ներգրավվում է շինարարության, ռեստորանային բիզնեսի և սպասարկման ոլորտներում։