ՀԱՄԱՍ-ը չի կարող ակնկալել ապագա Գազայի կառավարման մեջ. ԱՄՆ դեսպան

Իսրայելում ԱՄՆ դեսպան Մայք Հաքաբին հայտարարել է, որ եթե ՀԱՄԱՍ-ը կարծում է, թե կարող է պարզապես սպասել ԱՄՆ նախագահի հեռանալուն և այդ կերպ պահպանել իր զենքն ու ապագա դեր ունենալ Գազայի կառավարման մեջ, ապա «նրանք, ըստ երևույթին, լսողության խնդիր ունեն»։

Դեսպանի խոսքով՝ ՀԱՄԱՍ-ի համար լավագույն տարբերակը կլինի հնարավորինս արագ գիտակցել իրավիճակը և կամավոր կերպով զինաթափվել, այլ ոչ թե ստիպված լինել հանձնել զենքը ուժի կիրառմամբ։

«Որքան շուտ նրանք դա հասկանան և որքան արագ կամավոր զինաթափվեն, այնքան լավ կլինի հենց իրենց համար»,- նշել է Հաքաբին։