Լուրերը մեկ տողով. Ռազմական էսկալացիա, ԱԺ-ում՝ թեժ քննարկումներ և փոխադարձ մեղադրանքներ

Անցած ժամվա լուրերը՝ հակիրճ և բովանդակային:

• ՀՀ վարչապետը հայտարարել է, որ երկրում չկա համայնք, որտեղ վերջին տարիներին կառավարության կողմից ներդրումներ չեն արվել։ Նրա խոսքով՝ մարզային այցերի ընթացքում քաղաքացիները դրական են գնահատում իրականացված ծրագրերը և հատկապես առողջության համընդհանուր ապահովագրության համակարգը։

• ՔՊ պատգամավոր Արսեն Թորոսյանը հայտարարել է, որ որոշ տնտեսվարողներ փորձում են խուսափել անկանխիկ վճարումներից՝ պնդելով, թե ՀԴՄ համակարգը չի աշխատում։ Նա դա բնութագրել է որպես «աճպարարություն»։

• Նիկոլ Փաշինյանը նշել է, որ Վրաստան կատարած այցի ընթացքում վրացի գործընկերների հետ քննարկել է երկկողմ օրակարգի բոլոր հարցերը։ Նա հերքել է ընդդիմության մեղադրանքները՝ դրանք անվանելով սադրանք։

• Պենտագոնի ղեկավարի հայտարարությամբ՝ Մերձավոր Արևելք են տեղափոխվում ամերիկյան նոր ուժեր, և Իրանի դեմ գործողությունները կշարունակվեն այնքան ժամանակ, որքան անհրաժեշտ կլինի։

• ԱՄՆ պաշտպանության նախարարությունը հայտարարել է, որ ԱՄՆ-ն ռազմական գործողություններում պատրաստ է կիրառել մեծ քանակությամբ ճշգրիտ գրավիտացիոն ռումբեր։

• ԱՄՆ զինվորականների տվյալներով՝ Իրանի հարձակումների ինտենսիվությունը նվազել է, իսկ ամերիկյան ուժերը գործողությունները տեղափոխում են Իրանի տարածքի ավելի խոր հատվածներ։

• Իսրայելի բանակը հայտարարել է, որ Իրանում ռազմական գործողությունները կարող են շարունակվել առնվազն ևս երկու շաբաթ՝ նպատակ ունենալով թուլացնել երկրի գործող իշխանությունը։