Իսրայելի պաշտպանության նախարարը հանդես է եկել հայտարարությամբ

Իսրայելի պաշտպանության նախարար Իսրայել Կացը «Հըզբոլլահի» դեմ ռազմական գործողությունների ուժեղացման պայմաններում դիմել է Լիբանանի նախագահ Ժոզեֆ Աունին։

Նրա խոսքով՝ Բեյրութը չի կատարում Իրանի աջակցությունը ստացող խմբավորմանը զինաթափելու պարտավորությունը, ինչպես նախատեսված է հրադադարի համաձայնագրով։

«Գործեք և քայլեր ձեռնարկեք, նախքան մենք ստիպված կլինենք ավելին անել: Մենք թույլ չենք տա հարձակումներ մեր բնակավայրերի և մեր զինվորների վրա»,- ասել է Կացը։

Նա նաև նշել է, որ բախման դեպքում պատասխանատվությունը կկրի Լիբանանը։ Միաժամանակ Կացը հավելել է, որ Իսրայելը Լիբանանի նկատմամբ տարածքային պահանջներ չունի։