Իրանը խաղաղություն է ուզում, բայց մեկ պայմանով. Արաղչի

Թեհրանը պատրաստ է քննարկել միջնորդ երկրների առաջարկները՝ պատերազմը դադարեցնելու վերաբերյալ, եթե դրանք ներառեն Իրանի վնասների փոխհատուցում, ասել է արտգործնախարար Աբբաս Արաղչին։

«Շատ բարեկամ երկրներ առաջարկել են գաղափարներ և արտահայտել իրենց պատրաստակամությունը՝ դեր խաղալու խաղաղության հասնելու գործում։ Եթե լինի պատերազմը դադարեցնելու առաջարկ, որը համապատասխանում է մեր պայմաններին… և Իրանի կրած վնասները փոխհատուցվեն, ապա մենք անպայման կլսենք այն», - ասել է իրանցի դիվանագետը «Ալ Ջազիրա»-ին տված հարցազրույցում։

Արաղչին նշել է, որ Թեհրանն արդեն իսկ իր դիրքորոշումը հայտնել է «իր ընկերներին» և ընդգծել, որ երկիրը դեռևս չի համաձայնվում հրադադարին։