Հայաստանի` ՀԱՊԿ-ից դուրս գալու համար նախադրյալներ չկան. Դավիթ Տոնոյան

Հայաստանը պատրաստ է շարունակել կատարել ՀԱՊԿ գլխավոր քարտուղարի պարտականությունները, այսինքն` այդ պաշտոնում նոր ներկայացուցիչ նշանակել: Այդ մասին ռուս լրագրողների հետ զրույցում ասել է ՀՀ ՊՆ ղեկավարի պաշտոնակատար Դավիթ Տոնոյանը. հայտնում է РИА Новости-ն:\r\n\r\nՄիևնույն ժամանակ, նա ասել է, որ Հայաստանի` ՀԱՊԿ-ից դուրս գալու համար նախադրյալներ չկան:\r\n\r\nՊատասխանելով հարցին` կարո՞ղ են ՀԱՊԿ-ում առկա խնդիրները (ՀՀ վարչապետի կարծիքով) առիթ հանդիսանալ ՀՀ-ի` ՀԱՊԿ-ից դուրս գալու համար, նախարարի պաշտոնակատարն ասել է. «Ես չեմ լսել նման խնդրի մասին, որը կարող է նախադրյալ դառնալ ՀՀ-ի` ՀԱՊԿ-ից դուրս գալու համար, նման նախադրյալներ չկան` ո'չ աշխարհաքաղաքական, ո'չ ռազմաքաղաքական, ո'չ ռազմավարական»: