ՏԵՍԱՆՅՈՒԹ․ Հրապարակվել են զոհված օդաչուների մեկ օր առաջ արված թռիչքի կադրերը

ՀՀ պաշտպանության նախարարի մամուլի խոսնակ Արծրուն Հովհաննիսյանը հրապարակել է դեկտեմբերի 4-ին ՀՀ Շիրակի մարզի Մարալիկի տարածաշրջանի Քարաբերդ բնակավայրի հարևանությամբ կործանված ՍՈւ-25–ի օդաչուների` մեկ օր առաջ իրականացրած թռիչքի տեսագրությունը։ «Տղերքը ուղիղ մեկ օր առաջ ուսումնական թռիչք ու կրակային վարժություն են կատարել։ Կատարել են շատ բարձր մակարդակով ու գերազանց գնահատականով։ Սա մեկ օր առաջվա իրական կադրերն են։ Փառք Հայոց բանակին, փառք ՀՀ ՌՕՈւ-երին»,– գրել է Հովհաննիսյանը։ Հիշեցնենք, որ ավիավթարը տեղի է ունեցել դեկտեմբերի 4-ին, 10.06-ին Գյումրու օդանավակայանից։ Նրա հետ կապը կորել էր 10.20-ի սահմանում։ Ինքնաթիռում եղել էին 1-ին կարգի օդաչու, փոխգնդապետ Արմեն Սլավիկի Բաբայանը և 3-րդ կարգի օդաչու, մայոր Մովսես Գևորգի Մանուկյանը։ Ինքնաթիռը թռիչքային երթուղի է դուրս եկել դեկտեմբերի 4-ին։ Դեպքի կապակցությամբ հարուցվել է քրեական գործ։ Նախաքննությունն իրականացնում է ՀՀ քննչական կոմիտեն։