ՀՐԱՏԱՊ․ Հրապարակվել է Վանեցյանի և Փաշինյանի հեռախոսազրույցի գաղտնալսման ձայնագրությունը

Քիչ առաջ ՀՀ վարչապետի պաշտոնակատար Նիկոլ Փաշինյանը ֆեյսբուքյան իր էջում գրառում կատարեց՝ նշելով, որ հրապարակվել է իր եւ ԱԱԾ պետ Արթուր Վանեցյանի հեռախոսազանգի գաղտնագրությունը։ «Ժողովուրդ, իմացա՞ք, դավադիրները գաղտնալսման երկրորդ մասն են տարածել: Ժամանակին սրա մասին էի պատմում ԱԺ ամբիոնից: Քիչ անց ուղիղ եթեր կմտնեմ: Դուխով»,-մասնավորապես գրել է Փաշինյանը։ Զրույցում՝ Վանեցյանը Փաշինյանին հայտնում է, որ պետք է ինչ-որ բան մտածել ՀԱՊԿ արդեն նախկին գլխավոր քարտուղար Յորի Խաչատուրովի կալանավորման վերաբերյալ: Վանեցյանը մասնավորապես նշում է, որ Սասուն Խաչատրյանը ցանկանում է հենց այդ օրը կալանավորել Խաչատուրովին։ Ի վերջո որոշվում է հետաձգել Խաչատուրովի կալանավորումը և ավարտին հասցնել Քոչարյանի ձերբակալումը: Ենթադրում ենք, որ խոսքը հուլիսի 27-ին երկրորդ նախագահ Ռոբերտ Քոչարյանի կալանավորման մասին է: