Ծառուկյանը կօգտագործի՞ Լուկաշենկոյի հետ իր անձնական կապերը

Բելառուսի նախագահ Ալեքսանդր Լուկաշենկոն սպասում է Հայաստանի հրավերին։ Այս մասին այսօր լրագրողների հետ զրույցում ասաց ԲՀԿ առաջնորդ Գագիկ Ծառուկյանը՝ պատասխանելով այն հարցին, որ հնարավոր է Գագիկ Ծառուկյանը Լուկաշենկոյի հետ իր անձնական կապերն օգտագործելով փորձի թուլացնել երկու երկրների միջեւ լարվածությունը, որն առաջացել է ՀԱՊԿ գլխավոր քարտուղարի ընտրության հարցի շուրջ։ «Ես ասեմ, թող մեր հայրենակիցներն էլ իմանան, որ նոյեմբերի 24–ին եղել եմ Բելառուսում, հանդիպել եմ Ալեքսանդր Գրիգորիչի հետ եւ նա այսօր սպասում է հրավերի, որ գա Հայաստան, որ իր խոսքն ասի, իր մոտեցումը Հայաստանին եւ հայ ժողովրդին»,– ասաց նա։