Լվովում պայթյունից տուժած 50-ամյա հայաստանցին վերակենդանացման բաժանմունքում է

Լվովում սուրբծննդյան տոնավաճառում տեղի ունեցած պայթյունի հետևանքով 4 տուժածներից 50-ամյա հայաստանցու վիճակը կայուն ծանր է։ Ուկրաինական լրատվամիջոցները հաղորդում են, որ տուժածները ստացել են ձեռքերի ու դեմքի լուրջ այրվածքներ: Ամենածանր վիճակում գտնվում է ՀՀ 50-ամյա քաղաքացին, որը վերակենդանացման բաժանմունքում է: Բոլոր տուժածներին դեռ վիրահատություններ են սպասվում: Արդեն հայտնել էինք, որ դեկտեմբերի 22-ին ուկրաինական Լվով քաղաքի սուրբծննդյան տոնավաճառում պայթյուն է տեղի ունեցել, որի հետևանքով 4 մարդ է տուժել, այդ թվում՝ 50-ամյա հայաստանցի։