«Նոր Հայաստան նոր հայրապետ» շարժման առաջնորդը վթարի է ենթարկվել

Ամենայն Հայոց կաթողիկոս Գարեգին 2-րդի հայրապետության դեմ պայքարող «Նոր Հայաստան նոր հայրապետ» շարժման առաջնորդ, Հայաստանի պետական տնտեսագիտական համալսարանի Գյումրու մասնաճյուղի տնօրեն Կարեն Պետրոսյանը դեկտեմբերի 26-ին վթարի է ենթարկվել: Aysor.am-ի տեղեկությունը հաստատել է նաև Գյումրիի բժշկական կենտրոնի տնօրեն Արմեն Իսահակյանը: Լրատվամիջոցի հետ զրույցում Իսահակյանն ասել է, որ Պետրոսյանը ստացել է անրակոսկրի կոտրվածք, ենթարկվել վիրահատության, իսկ դեկտեմբերի 29-ին պատրաստվում է դուրս գրվել հիվանդանոցից․ «Կարեն Պետրոսյանը անրակոսկրի կոտրվածք է ստացել, վիրահատվել է և վաղը դուրս է գրվելու»։ Պետրոսյանը վթարի ենթարկվել է ծառայողական մեքենայով: