Մհեր Ենոքյանի կինը պատրաստվում է հայտարարությամբ հանդես գալ

Ցմահ դատապարտված Մհեր Ենոքյանի կինը՝ Զարուհի Մեջլումյանը, SHANTNEWS am-ի հետ զրույցում հաստատել է այն հանգամանքը, որ ստացել է ամուսնու ներման խնդրագրի պատասխանը: Մեջլումյանն ասաց, որ ինքը մի քանի ժամ նախարարության աշխատակիցներից պահանջել է իրեն տրամադրել ներման խնդրագրի պատասխանը: Պատասխանը ստանալուց հետո հեռացել է: Զարուհի Մեջլումյանը SHANTNEWS am-ի թղթակցի հետ զրույցում հավելել է, որ այս պահին չի ցանկանում որևէ մեկնաբանություն անել: Ավելի ուշ նա հայտարարությամբ հանդես կգա: Հիշեցնենք՝ ավելի վաղ հայտնել էինք, որ ներման խնդրագրերի մասին հրամանագրերը կներկայացվեն Քրեակատարողական ծառայություն՝ դատապարտյալներին իրազեկելու և կատարումն ապահովելու նպատակով: