Պետությունն իր ընկերությունները կներկայացնի արտասահմանյան շուկայում․ Հակոբ Արշակյան

Պետությունը հանձն է առնում իր ընկերությունները ներկայացնել արտասահմանյան շուկաներում։ Այս մասին լրագրողներին հայտնել է ՀՀ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը՝ հավելելով, որ սա հեղափոխական շրջադարձ է: Նրա փոխանցմամբ՝ նախարարության կազմում նախատեսվում է երկու ուղղությամբ պետական վաճառքի ստրատեգիական թիմ ստեղծել. « Մենք ստեղծելու ենք պորտֆելներ՝ պրոդուկտների, ծառայությունների եւ նաեւ մեր գիտահետազոտական պոտենցիալի եւ դրանք ուղղակի վաճառքով դրսի շուկաների մեր գործընկերների հետ զբաղվելու համար»,-ասաց նա՝ շարունակելով․ «Վաճառք խնդրում եմ չընկալել ագրեսիվ առումով, այլ՝ գիտատեխնիկական, տեխնոլոգիական համագործակցության առումով, երբ երկրները իրար հետ փոխանակվում են տեխնոլոգիաներով: Նրա փոխանցմամբ՝ նույնը տեղի է ունենալու նաեւ ռազմարդյունաբերական ոլորտում. «Մենք հիմա սկսել ենք թիմի ձեւավորումը եւ առաջիկայում դրա արդյունքները շատ հստակ կերեւան»,-նշեց նա: