Նիկոլի իշխանությունը որևէ ոլորտում առաջընթաց չի արձանագրել. Շարմազանով

ՀՀԿ խոսնակ, ԱԺ նախկին փոխխոսնակ Էդուարդ Շարմազանովը ֆեյսբուքյան իր էջում գրել է. «Մի առիթով նշել եմ, որ Նիկոլի իշխանությունը որևէ ոլորտում առաջընթաց չի արձանագրել և չի կարող արձանագրել։ Պետք է կենտրոնանալ 2020-ին Տոկիում կայանալիք օլիմպիական խաղերի վրա և փորձել մեդալներ նվաճել մարաթոնյան վազքում։ Կարծես թե Նիկոլը լուրջ է ընդունել առաջարկս և պարբերաբար տարբեր պատրվակներով քայլերթ է կազմակերպում։ Հիմա էլ մարտի 1-ն է պատրվակ։ Քայլերթի ավարտին էլ ելույթ է ունենալու... Բա մեկը չկա՞՝ ասի՝ ի՞նչ ելույթ, ա'յ պարոն վարչապետ, չէ՞ որ ամիսներ առաջ հայտարարել ես, որ մարտի 1-ը բացահայտված է։ Պարզվում է՝ ի՞նչ բացահայտված... Առ այսօր 10 զոհերի գործերով որևէ կոնկրետ մեղադրանք չկա։ Փոխարենը կա զանգովի արդարադատություն, խայտառակ քաղաքական ենթատեքստերով գործեր և անհեթեթ մեղադրանքներ նախկին բարձրաստիճան պաշտոնյաներին ու նախագահ Քոչարյանին։ Նիկոլը հերթական բորշն է պատրաստում, որն ինչպես ժողովուրդն է ասում, կարծես թե իր քթից է դուրս գալու։ Հ.Գ. Փաշինյանը ժողովրդին հաց տալ չի կարող։ Տեսարաններով է փորձում կերակրել։ Բայց ինչպես կասեին Հին Աթենքում, ամեն ինչ հոսում է և ամեն ինչ փոփոխվում է։ Սրած բիզն էլ չմոռանաք...»: