Ադրբեջանի ՊՆ-ի արձագանքը` Տոնոյանի հայտարարությանը

Ադրբեջանի պաշտպանության նախարարությունը մեկնաբանել է ՀՀ պաշտպանության նախարար Դավիթ Տոնոյանի հայտարարությունը: Ըստ Ադրբեջանի ՊՆ-ի՝ Դավիթ Տոնոյանը «պատկերացում չունի, թե ինչ է ռազմավարությունը, հարձակումն ու պաշտպանությունը»: Ադրբեջանի ՊՆ-ը հիշեցրել է, որ 2016-ի ապրիլյան իրադարձությունների ժամանակ Տոնոյանը զբաղեցնում էր պաշտպանության փոխնախարարի պաշտոնը: «Նրա պոպուլիստական հայտարարություններն ուղղված են ներքին լսարանին»,- նշում է Ադրբեջանի ՊՆ-ը: Հիշեցնենք, որ երեկ պաշտպանության նախարարը հայտարարել էր,- «Պաշտպանվող բանակը պարտություն է կրում, մենք չենք պատրաստվում մնալ պաշտպանողական դիրքերում: Եթե խնդիրը գնալու է ռազմական գործողությունները վերսկսմանը, մենք չենք հապաղելու»: