Նոր Զելանդիայի վարչապետը երդվել է երբեք չարտաբերել ավստրալացի ահաբեկչի անունը

Նոր Զելանդիայի վարչապետ Ջասինդա Արդերնը երդվել է երբեք չարտաբերել Քրայսթչըրչի մզկիթների վրա հարձակման մեջ մեղադրվող 28-ամյա ավստրալացու անունը: Խորհրդարանում իր ելույթը վարչապետը սկսել է արաբերեն ողջույնի խոսքերով՝ «Աս-սալամ ալեյքում»: «Կոչ եմ անում տալ նրանց անունները, որոնց մենք կորցրել ենք, այլ ոչ թե այն մարդու, ով նրանց կյանքն է խլել: Նա ահաբեկիչ է, նա ծայրահեղական է, և նա կմնա անանուն», - հայտարարել է Արդերնը: Հիշեցնենք, որ մարտի 15-ին Քրայսթչըրչի երկու մզկիթներում Բրենթոն Թարանթի իրականացրած կրակահերթի հետևանքով զոհվել է 50 մարդ, ավելի քան 20 մարդ տուժել է: