Մաքգրեգորը մեկ անգամ արդեն հայտարարել է սպորտային կարիերան դադարեցնելու մասին. BBC ռուսական ծառայություն

Իռլանդացի սկանդալային սպորտսմեն Քոնոր ՄաքԳրեգորը նախկինում արդեն մեկ անգամ հայտարարել է սպորտային կարիերան ավարտելու որոշման մասին: BBC-ի ռուսական ծառայությունը հիշեցնում է, որ 2016 թ.-ի ապրիլին իռլանդացին թվիթերյան գրառմամբ նման բովանդակության հայտարարություն է արել, սակայն 2 օր անց հայտնել է, որ շարունակելու է ելույթ ունենալ: Ավելին, դրանից հետո 4 մենամարտի է մասնակցել: Դեռ 1 շաբաթ առաջ ՄաքԳրեգորն ասում էր, թե պատրաստ է 3-րդ անգամ կռվել Նեյթ Դիասի հետ և հիշեցնում էր, որ ցանկանում է բաժին ստանալ UFC-ի կապիտալում: UFC-ի ղեկավարն, ի դեպ, մեկնաբանել է մարզիկի այսօրվա հայտարարությունը` նրան հաջողություն մաղթելով: