Հայաստանի և Ադրբեջանի արտգործնախարարները մոտ ապագայում կհանդիպեն

Հայաստնի և Ադրբեջանի ԱԳՆ ղեկավարների նոր հանդիպումը կարող է տեղի ունենալ մոտ ապագայում` ԵԱՀԿ Մինսկի համանախագահ-երկրների մայրաքաղաքներից մեկում, հանդիպման ժամկետները համաձայնեցված են, հինգշաբթի հայտնել է ադրբեջանական ԱԳՆ-ի ղեկավար Էլմար Մամեդյարովը: «Մենք այժմ բարի կամքի դրսևորմամբ, պետք է առաջընթաց գրանցենք. Հայաստանի և Ադրբեջանի առաջնորդներն իրենց ԱԳՆ ղեկավարներին համապատասխան ցուցում են տվել և շատ շուտով մենք կունենանք երկկողմ հանդիպում, մենք արդեն պայմանավորվել ենք ժամկետի վերաբերյալ, ավանդույթի համաձայն այն կհայտարարվի Բաքվի և Երևանի հետ համատեղ, սակայն ես կարող եմ կիսվել մի տեղեկությամբ, որ այն տեղի կունենա մոտ ապագայում, ԵԱՀԿ Մինսկի համանախագահ-երկրների մայրաքաղաքներից մեկում», - հայտնել է Մամեդյարովը՝ ԵՄ առաքելության ղեկավար Ֆեդերիկա Մոգերինիի հետ համատեղ մամուլի ասուլիսի ժամանակ: