Մյասնիկյան պողոտայում հաստաբուն ծառը տապալվել և կաթվածահար է արել երթևեկը

Այսօր երեկոյան արտակարգ իրավիճակ էր ստեղծվել Երևանում: Մյասնիկյան պողոտայում հաստաբուն ծառը տապալվել և ընկել էր հենց ճանապարհին՝ այն փակելով ամբողջ երկայնքով, հայտնում է Shamshyan. com-ը: Բարեբախտաբար, ծառի տապալման պահին ճանապարհով անցնող մեքենաները հասցրել են արգելակել, և խուսափել անկախատեսելի հետևանքներից: Սակայն միջադեպի արդյունքում առանց այդ էլ ծանրաբեռնված պողոտայում հսկայական խցանումներ էին առաջացել: Սա առաջին նմանատիպ դեպքը չէ, և հիմնական պատճառն այն է, որ Մյասնիկյան պողոտայի եզրի ծառերից շատերը կիսափտած վիճակում են, գրում է լրատվամիջոցը: