Ծառուկյանին պատկանող գազալցակայաններից մեկում ստուգմներ են ընթանում․ armdaily. am

Անցած շաբաթ քննարկումների առիթ դարձան մի շարք ԱԳԼՃԿ-ներում գազի թանկացման մասին լուրերը, ինչը շատերը կապում էին Կառավարության այն որոշման հետ, որ գազը պետք է վաճառվի կիլոգրամով: ArmDaily. am-ի հետ զրույցում Շուկայի վերահսկողության տեսչական մարմնի ղեկավար Արմեն Կոտոլյանը նշել է, որ գազի գինը չի փոփոխվել.«Ոչ հարկային փոփոխություն է եղել, ոչ «Գազպրոմ»-ի կողմից է տնտեսվարողներին տրամադրվել գազի գնի փոփոխության մասին տեղեկություն: Դա ընդամենը տնտեսվարողների կողմից անբարեխիղճ վերաբերմունք է»: Կոտոլյանը նշել է, որ տնտեսավարողները գազի խտության մեջ են խախտումներ անում. «Տնտեսավարողները պետք է իրենց ծրագրային փոփոխությունների մեջ նշեն գազի ճիշտ խտությունը: Իրենք քիչ են նշում, որպեսզի ելքային տվյալը մեծ ստանան ու սպառողը մի փոքր ավել վճարի»: Լրատվականի հարցին, թե Գագիկ Ծառուկյանին պատկանող գազալցակայանների աշխատանքից բողոքներ ստանու՞մ են և արդյո՞ք այնտեղ խախտումներ գրանցվել են, Կոտոլյանը պատասխանեց.«Այո, եղել են բողոքներ: Եվ Գագիկ Ծառուկյանին պատկանող գազալցակայաններից մեկում ստուգմներ են այսօր ընթանում»: Այն հարցին՝ կոնկրետ ինչ բողոք են ստացել, Արմեն Կոտոլյանն ասել է․ «Բողոք է եղել, որ գազ են լցրել, բայց չեն վարել այնքան, որքան պետք է վարեին: Այսիքն, եթե գազ լցնելուց հետո վարորդը պետք է վարեր մեքենան 150 կմ, իրենց մոտ լցնելուց հետո վարել է՝ 130»: