Վարչապետի հանձնարարականին նայեք Սյունիքի մարզի բնակրչի աչքերով․Իոաննիսյան

Ծառայություններ մատուցող կառույցները պետք է աշխարհագրորեն այնպիսի տեղում լինեն, որ առավելագույնս հարմար լինեն հանրապետության բոլոր հատվածների բնակիչների համար: Այս մասին իր ֆեյսբուքյան էջում գրառում է կատարել «Իրազեկ քաղաքացիների միավորում» հ/կ նախագահ Դանիել Իոաննիսյանը՝ անդրադառնալով ՀՀ վարչապետ Նիկոլ Փաշինյանի՝ ավտոմաքսատունը Երեւանից Գյումրի տեղափոխելու հանձնարարականին։ «ՊԵԿ կառույցներում շրջայցի ժամանակ Նիկոլ Փաշինյանը Davit Ananyan-ին հանձնարարեց միջոցներ ձեռնարկել ավտոմաքսատունը Երեւանից Գյումրի տեղափոխելու վերաբերյալ... Ու բոլորը էյֆորիայի մեջ են: Բարեկամներ, քաղաքացիներին ծառայություններ մատուցող կառույցները պետք է աշխարհագրորեն այնպիսի տեղում լինեն, որ առավելագույնս հարմար լինեն հանրապետության բոլոր հատվածների բնակիչների համար: (Վարչապետի այդ հանձնարարականին նայեք, ասենք, Սյունիքի մարզի բնակրչի աչքերով) Հազար ու մի մարմին կա, որ կարելի է տեղափոխել Գյումրի՝ մարզերի հավասարաչափ զարգացման նպատակով եւ առանց քաղաքացիներին արհեստական անհարմարություն պատճառելու»,–գրել է նա: