Զարթոնք համայնքի ղեկավար Պարույր Սարգսյանը հրաժարական է տվել

Արմավիրի մարզի Զարթոնք համայնքի ղեկավար Պարույր Սարգսյանը քիչ առաջ հրաժարական է տվել։ ՏեղեկությունըTert am-ի հետ զրույցում հաստատեց նույն գյուղի բնակիչ Սեյրան Սահակյանը։ Նա նաև հայտնեց, որ այս պահին փողոցներում հավաքված գյուղացիների թիվը գնալով նվազում է. «Հիմա գյուղում շատ ոստիկաններ կան՝ հնարավոր բախումները կասեցնելու նպատակով»։ Հիշեցնենք, որ երեկ Զարթոնք գյուղի բնակիչները փակել էին Արմավիր-Երևան միջպետական ճանապարհը՝ պահանջելով համայնք իղեկավար Պարույր Սարգսյանի հրաժարականը: Այսօր առավոտից համայնքում կրկին լարված վիճակ էր: Վաղ առավոտից գյուղացիները փակել էին Երևան-Գյումրի երկաթգիծը: