Փարիզի Աստվածամոր տաճարում բռնկված հրդեհը հաջողվել է մարել

Ժամեր տևած հրդեհաշիջման աշխատանքների արդյունքում Փարիզի Աստվածամոր տաճարում բռնկված հրդեհը հաջողվել է մարել։ Հրդեհը լիովին ոչնչացրել է տաճարի տանիքը, սրածայր գագաթն ու ժամացույցը։ Հրշեջները շարունակում են հովացնել տաք կոնստրուկցիաները, որպեսզի հրդեհը չվերսկսվի։ Ֆրանսիացի գործարար, միլիարդատեր Պինոների ընտանիքը 100 մլն եվրո կհատկացնի Փարիզի Աստվածամոր տաճարի վերականգնման համար: Այսօր արդեն Ֆրանսիայում սկսել են գումար հավաքել Փարիզի Աստվածամոր տաճարի վերականգնման համար: Դրամահավաքի մեկնարկի մասին հայտարարել է Ֆրանսիայի նախագահ Էմանուել Մակրոնը՝ նշելով, որ Աստվածամոր տաճարը ֆրանսիացիների պատմությունն է, գրականությունը, հոգու մասնիկը։ Ֆրանսիայի նախագահ Էմանուել Մակրոնը խոստացել է ամբողջությամբ վերականգնել հրդեհից վնասված Փարիզի Աստվածամոր տաճարը` տեղի ունեցածն անվանելով «իսկական ողբերգությունե: Մակրոնը նաև նշել է, որ փրկարարների շնորհիվ հնարավոր է եղել խուսափել ամենավատ սցենարից. չեն քանդվել տաճարի դիմային հատվածն ու գլխավոր աշտարակները: Մակրոնը հրդեհի մարումից հետո եղել է նաեւ տաճարի ներսում: Փարիզի Աստվածամոր տաճարում բռնկված հրդեհի մարման ժամանակ մեկ հրշեջ-փրկարար է վիրավորվել: Կրակի մեջ գտնվող Փարիզի Աստվածամոր տաճարից հաջողվել է փրկել մասունքների մի մասն, այդ թվում` Քրիստոսի փուշերի պսակը և Լյուդովիկոսի թիկնոցը: Ապրիլի 22-ին Փարիզի Աստվածամոր տաճարում Հայոց Եղեռնի հիշատակի պատարագ պետք է մատուցվեր: