Կինն ահազանգել է ոստիկանություն, հայտնել, որ տանը գողեր կան

Ապրիլի 18-ին, ժամը 00.30-ին, ոստիկանություն է ահազանգել մի տղամարդ և հայտնել, որ կինը զանգել է իրեն և ասել, որ իրենց տանը գողեր կան: ՀՀ ոստիկանության տեղեկատվության եւ հասարակայնության հետ կապերի վարչության փոխանցմամբ, ձեռնարկված օպերատիվ-հետխուզական միջոցառումների շնորհիվ, ոստիկանության Արթիկի բաժնի ծառայողները ահազանգած տղամարդու տնից բերման են ենթարկվել 1998 թ. ծնված Արթուր Ս.-ին, 2002 թ. ծնված Ա. Ռ.-ին և 2002 թ. ծնված Լ. Մ.-ին, որոնց մոտից հայտնաբերվել և վերցվել է 40.370 դրամ, 3 բանկային քարտ, 2 բրոնզաձույլ ձեռքի ժամացույց, 1 հատ «Կասիս» ձեռքի ժամացույց, 2 ոսկյա շղթա, 1 ոսկյա կախազարդ, 2 ոսկյա մատանի, 1 շիշ «Մարտինի» տեսակի խմիչք, 1 դանակ, 1 կրակայրիչ-ատրճանակ, 1 էլեկտրահարող սարք և 1 խաղալիք սպիներ։ Նրանք բնակարան մուտք են գործել խոհանոցի պատուհանը տեխնիկական միջոցների գործադրմամբ բացելով: Կատարվում է քննություն: