Հանգիստ թողեք, տնտեսությունը զարգանա. Ծառուկյան

Այսօր բոլորի ուզածը դա է, որ մեր հարաբերությունները վատանան, բայց ի վնաս իրենց՝ չեն վատանալու. ապրիլի 24-ին, Ծիծեռնակաբերդի հուշահամալիրում լրագրողների հետ զրույցում ասաց ԲՀԿ առաջնորդ Գագիկ Ծառուկյանը՝ անդրադառնալով այն հարցին, թե մամուլում գրվել է, որ լարվել են իր և Փաշինյանի հարաբերությունները: «Բոլորը հիմա կուսակցություններ են բացում, ինչ-որ շարժի մեջ են… հանգիստ թողեք, տնտեսությունը զարգանա: Այդպիսի բան չկա, չի էլ կարա լինի»,-ասաց նա: Ծառուկյանը նշեց, թե ինչ-որ մարդիկ ուզում են «խառնեն, ալիքներ պղտորեն՝ տարբեր բաներ խոսելով»: «Մարդը երբեք մատը մատին չի տվել, մի հատ ծառ չի տնկել, այսօր խոսում է ներդրումից: Մեր ազգը աշխատող ազգ է, մնացել ենք 2 մլն, որը մի մեծ կոլեկտիվ է, հիմա ովքեր այդ ամենին տիրապետում են, արդյունավետ աշխատում են, պատկերացնում են ինչ կարելի է անել, այդ բոլորը հաշվի առնելով՝ կարելի է 3 ամսում ռելսերի վրա դնել տնտեսությունն ու աշխատել, ու ամեն ոլորտ էլ արդյունավետ կլինի»,-ասաց նա և օրինակ բերեց, որ ինքը սպորտի ոլորտը վերցրել է այն ժամանակ, երբ տարիներով մեդալ չկար ու հիմա կա: «Այնպես որ, անհնարին բան չկա: Իմ ձեռքը վերցրած բոլոր ոլորտները քանդված արվիրված են եղել, ինչ վերցրել եմ, զարգացրել եմ, ծաղկեցրել եմ, այսօր բարձունքի վրա ենք կանգնած»,-ասաց նա: