Ավտոմեքենաները կարող եք մաքսազերծել Հայաստանի բոլոր մաքսատներում. ՊԵԿ

Պետական եկամուտների կոմիտեի փոխնախագահ Շուշան Ներսիսյանը իր ֆեյսբուքյան էջում տեղեկացրել է, որ հաշվի առնելով ավտոմեքենաների ներմուծման տեմպերը, դրանք կարող են մաքսազերծվել Հանրապետության բոլոր մաքսատներում: Գրառումն ամբողջությամբ ներկայացնում ենք ստորև. «2019թ-ի ապրիլ ամսին ներմուծվել է 9481 ավտոմեքենա: 2018թ-ի ապրիլ ամսին ներմուծվել էր 4324 ավտոմեքենա, ինչը նշանակում է, որ նախորդ ամիս արձանագրել ենք 119% աճ: Հաշվի առնելով աճի տեմպերը, ուզում եմ հիշեցնել, որ կարող եք ձեր ավտոմեքենան մաքսազերծել հանրապետության ԲՈԼՈՐ մաքսատներում. Արարատյան (Նորագավիթ) Արևմտյան (Կարգո տերմինալ) Հարավային (Սիսիան) Հյուսիսային (Գյումրի) Արևելյան (Վանաձոր) Ինչպես նաև հիշեցնում եմ, որ Նորագավիթում Հունվար ամսվանից սկսած շաբաթ օրերը լրիվ աշխատանքային օրեր են»: