Նպատակահարմար չէ Ձեզ հետ աշխատել. Արգիշտի Քյարամյանը ՊՎԾ գործերի կառավարչին ասել է դիմում գրել

Պետական վերահսկողության ծառայության պետի պաշտոնակատար Արգիշտի Քյարամյանի շուրջ աղմուկը չի դադարում: Նա ՊՎԾ գործերի կառավարչին առաջարկել է դիմում գրել և հեռանալ աշխատանքից: Տեղեկությունը փոխանցում են Պետական վերահսկողության ծառայության պետի պաշտոնակատար Արգիշտի Քյարամյանին մոտ կանգնած Factor. am-ի աղբյուրները: Նրանց փոխանցմամբ՝ պատճառն անհայտ է: Տեղեկությունը լրատվամիջոցի հետ զրույցում հաստատեց նաև գործերի կառավարիչ Հովիկ Հարությունյանը: Նա նշել է, որ չգիտի, թե որն է աշխատանքից ազատման պատճառը: Ըստ Հարությունյանի` Քյարամյանն իրեն ասել է, որ նպատակահարմար չէ իր հետ աշխատելը: Հարությունյանը նաև հնարավոր է համարել, որ Քյարամյանը փորձում է ՊՎԾ-ում իր թիմը հավաքել: -Իսկ պաշտոնակատար նշանակվելուց հետո նոր աշխատակիցներ ընդունե՞լ է: -Ճիշտն ասած իր գալուց հետո մեկ-երկու մարդ ընդունվել է: Մեկը աղջիկ է, մյուսը՝ տղա: Լրատվամիջոցը թեմայի շուրջ փորձել է պարզաբանում ստանալ նաև ՊՎԾ պետի պաշտոնակատար Արգիշտի Քյարամյանից, բայց նա զանգերին չի պատասխանել: Նյութն ամբողջությամբ կարող եք դիտել Factor. am կայքում: