Երևանում վրաերթի է ենթարկվել ճանաչված լրագրող

SHAMSHYAN .com-ի տեղեկություններով՝ երեկ՝ մայիսի 4-ին, վրաերթ է տեղի ունեցել Երևանում: Ժամը 16:20-ի սահմաններում Երևան քաղաքի Նոր Նորք վարչական շրջանի բնակիչ, 36-ամյա Կարեն Սարգսյանը իր վարած Volkswagen մակնիշի 36 CM 687 համարանիշի ավտոմեքենայով Դավիթ Բեկի փողոցի թիվ 157/2 հասցեի մոտ վրաերթի է ենթարկել հետիոտն, 69-ամյա Հովհաննես Այվազյանին: Ինչպես հայտնում է ֆոտոլրագրող Գագիկ Շամշյանը, վրաերթի ենթարկվածը բուժօգնություն ստանալու նպատակով տեղափոխվել է Սուրբ Գրիգոր Լուսավորիչ բժշկական կենտրոն, որտեղից էլ Իզմիրլյան բժշկական կենտրոն: Լրատվականի տվյալներովՙ տեղեկություններով՝ վրաերթի ենթարկված Հ. Այվազյանը ճանաչված մտավորական ու լրագրող «ԱրմենՊրես» լրատվական գործակալության խմբագիրն է: