7-ամյա տղան, փորձելով կրկնել հայտնի ռեփերի՝ այրվող մեքենայով տեսահոլովակի սյուժեն, մահացել է

Դոմինիկյան Հանրապետությունում 7-ամյա Ֆրանկլին Միզես անունով երեխան և նրա ավագ զարմուհիները՝ 11-ամյա Պերլան և 14-ամյա Անջելին, որոնք մնացել էին առանց ծնողների հսկողության, դյուրավառ հեղուկով լի տարա են գտել և, ոգեշնչելով պուերտոռիկացի հայտնի ռեփեր Bad Bunny-ի տեսահոլովակներից մեկի սյուժեից, մայրաքաղաք Սանտո Դոմինգոյի իրենց տան մոտ հրդեհ են կազմակերպել՝ ցանկանալով կրկնել տեսահոլովակը: Ինչպես հայտնում է Daily Mail-ը՝ արարքի հետևանքով տղայի մարմնի մակերեսի 50%-ից ավելին այրվել է: Բժիշկներն ավելի քան 2 շաբաթ պայքարել են 7-ամյա տղայի կյանքի համար, սակայն նրան փրկել չի հաջողվել: Տղայի հայրը մեղքի մի մասը բարդել է երաժշտի վրա, որը, նրա կարծիքով, երիտասարդների համար վատ օրինակ է ծառայում: