Արցախից ՊԲ զինծառայողներ են գնացել՝ 0038 հրամանի պահանջները կատարելու համար. Մովսես Հակոբյան

Սահմանին լարվածություն միշտ եղել է, կա և դեռևս լինելու է։ Ստեփանակերտում լրագրողների հետ զրույցի ժամանակ այսպես գնահատեց սահմանային իրավիճակը ԶՈւ գլխավոր շտաբի նախկին պետ, գլխավոր ռազմական տեսուչ Մովսես Հակոբյանը։ Հարցին, թե որն է բանակի այսօրվա մարտահրավերը, նա կատակով պատասխնեց. «Մայիսի 9-ը՝ Հաղթանակի օրը նշելը»։ Լրագրողները Մովսես Հակոբյանին հարցեր ուղղեցին նաև Մարտի 1-ի գործի վերաբերյալ՝ շեշտելով, որ մի շարք ռազմական գործիչներ անցնում են այդ գործով։ Հակոբյանն ասաց, որ նա ևս հարցաքննվել է այս գործով և դատախազին է տրամադրել այդ ընթացքում իր ստորագրած հրամանները։ «Արցախից ՊԲ զինծառայողներ են տեղափոխվել՝ 0038 հրամանի պահանջները կատարելու համար։ Այսինքն, կայազորից զինծառայողները տեղափոխվել են մեկ այլ կայազոր, և նպատակը այդ հրամանում գրված է եղել՝ անվտանգությունը բարձրացնելու համար»,- ասաց նա։ Ինչ վերաբերում է հարուցված քներական գործին, Հակոբանը նշեց, որ դրա վերաբերյալ տեսակետ չունի. «Դատավորի կարգավիճակում չեմ ուզում լինել, հարուցված է քրելական գործ, կընթանա դատավարություն, և ամեն ինչ պարզ կլինի»։ Սահմանադրական կարգի տապալման վերաբերյալ հարցին էլ նա պատասխանեց. «Այդ հրամանը որ ընթերցեք, այնտեղ որևէ դրույթ չկա սահմանադրական կարգի տապալման մասին»։