Եթե մենք իշխանության գանք․․ Էդմոն Մարուքյան

«Պետք է ուժեղանալ, հզորանալ, տնտեսությունն ուժեղացնել, թիկունքն ուժեղացնել, պայմանագրայինների թիվն ավելացնել, շատ վճարել զինվորականներին, սոցիալական ապահովության հարցը լուծել, բնակարանների հարցը լուծել: Խնդիրը լուծելու մասին կարող ենք անընդհատ խոսել, բայց մոռանալ, որ այդ ընթացքում պետք է ուժեղանալ և խախտված ռազմաքաղաքական բալանսը վերականգնել»,- այս մասի այսօր Եռաբլուրում լրագրողների հետ հանդիպման ժամանակ ասաց ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը: Խոսելով իշխանության կադրային քաղաքականության մասին նշեց, որ պետք է ավելի խիստ լինել եւ պետական պաշտոններում նշանակելիս հաշվի առնել նաեւ զինված ուժերում մարդկանց ծառայելու հանգամանքը: «Նախորդ իշխանությունների օրոք դա հաշվի չի առնվել, այս իշխանությունների օրոք էլ հաշվի չի առնվում: Ես կարող եմ խոստանալ՝ որ եթե մենք իշխանության գանք, հաշվի կառնենք: Խոսքը գործադիր իշխանության մասին է»,-ասաց Մարուքյանը։