Ղազախստանում արգելափակել են սոցցանցերն ու մի շարք ԶԼՄ-ներ

Ղազախստանի իշխանությունները մայիսի 9-ին արգելափակել են սոցցանցերի և որոշ ԶԼՄ-ների հասանելիությունը Հաղթանակի օրվան նվիրված միջոցառումներին զուգահեռ երթեր և ցույցեր կազմակերպելու փորձի պատճառով: Ինչպես հաղորդում է Корреспондент-ը, «Ազատություն» ռադիոկայանը նույնպես հայտնվել է արգելափակված լրատվամիջոցների մեջ: Օգտատերերի համար հասանելի չեն Telegram, Facebook, Youtube, Instagram մեսենջերները, որոնց միջոցով ԶԼՄ-ները լուրեր էին հրապարակում՝ շրջանցելով արգելափակումները: Հաղորդվում է նաև բջջային կապի անջատման մասին: Ավելի վաղ երկրում արգելված «Ղազախստանի ժողովրդավարական ընտրություն» շարժումը հայտարարել էր մայիսի 9-ին մի շարք քաղաքներում ցույցեր իրականացնելու մտադրության մասին: Դրանից հետո Գլխավոր դատախազությունը ուղերձ է հրապարակել՝ կոչ անելով չմասնակցել ակցիաներին: