Երևանի կենտրոնը բեռնաթափելու մի քանի տարբերակ կա․ քաղաքապետը մանրամասնեց

Քննարկվում է Երևանի կենտրոնը բեռնաթափելու մի քանի տարբերակ։ Այս մասին այսօր լրագրողների հետ զրույցում ասաց Երևանի քաղաքապետ Հայկ Մարությանը, ընդգծելով՝ ամբողջ աշխարհում քաղաքի կենտրոնը լիցքաթափելու ձևն ինչ-որ արգելքներ դնելն է, Երևանի համար քննարկվում է մի քանի տարբերակ: «Առաջինը՝ ուղղակի սահմանափակվում է մեծ մեքենաների մուտքը: Սահմանափակում համարանիշերով, սա ամենակոշտ ձևն է: Կա նուրբ սահմանափակում՝ փարքինգների գների բարձրացումը»,- նշեց քաղաքապետը՝ հավելելով՝այս պահին կա որոշում սակայն կբարձրաձայնեն երբ դա լինի վերջնական։ Լրագրողները քաղաքապետին հիշեցրին՝ օրեր առաջ Վարչապետն ասուլիսում հայտարարեց, որ 250 գույք ունեցող անձ կա կենտրոնում: Հարցին, թե ո՞ւմ է ակնարկում վարչապետը, Հայկ Մարությանը պատասխանեց. «Ինձ թվում է՝ շուտով բոլորը կիմանան: Դա իրավապահ մարմինների գործառույթն է, ես այդ դաշտ չեմ մտնում»: