Տռզած դատախազները դարձել են սրբե՞ր․ պատգամավորը՝ Արթուր Դավթյանին

Ինչպե՞ս եք պատկերացնում Ձեր համակարգում կոռուպցիայի մակարդակը, արդյոք ռիսկերը բարձր են, թե՞ ոչ, ի՞նչ եք նախաձեռնում դրա դեմ պայքարի համար։ Այսօր ԱԺ-ում ՀՀ գլխավոր դատախազ Արթուր Դավթյանին նմա հարցով դիմեց «Իմ քայլը» խմբակցության պատգամավոր Էդգար Առաքելյանը: «Հնարավոր կողմնակալ մոտեցումները ժամ առաջ բացահայտել, պատճառները վերացնել, պատասխանատվության հարցը բարձրացնել: Պետք է ունենանք զրո հանդուրժողականություն կոռուպցիայի նկատմամբ: Կարող եմ ասել, որ համակարգում հաջողվել է ձևավորել այդ մթնոլորտը»,- ի պատասխան նշեց դատախազը: Առաքելյանն ասաց, որ դեռևս խորհրդային տարիներից հանրային գիտակցության մեջ ձևավորված համոզմունք կա, ըստ որի՝ դատախազները ամենակոռումպացված, «տռզած» պաշտոնյաներն են: «Դա այլևս չի՞ համապատասխանում իրականությանը, այլևս սրբե՞ր են դատախազները»,- հարցրեց պատգամավորը: «Չեմ կարծում, որ մարդիկ երկու տեսակի են լինում՝ սրբեր ու կոռուպցիոներներ: Սրբեր երկրի վրա ինձ հայտնի չեն, բայց հանրային այդ գիտակցումը բացառված է այսօրվա համակարգում»,- պատասխանեց Արթուր Դավթյանը: