Վիճաբանություն Բուրաստանում. վիրավորները հոսպիտալացվել են

Մայիսի 9-ին՝ ժամը 22։30-ին, հիվանդանոցից ոստիկանության Արտաշատի բաժին հաղորդում է ստացվել, որ «ձախ ազդրի կտրած վերք և ձախ ձեռքի կտրած վերք» և «կրծքավանդակի ձախ կեսի թափանցող կտրած-ծակած վերք, որովայնի առաջնային պատի աջ և ձախ թուլակողերի կտրած-ծակած չթափանցող վերքեր» ախտորոշմամբ իրենց մոտ են ընդունվել Բուրաստան գյուղի 17-ամյա երկու բնակիչ: Ոստիկանությունից հայտնում են, որ մեկնած օպերատիվ խումբը պարզել է, որ մայիսի 9-ին՝ ժամը 22։20-ի սահմաններում, Բուրաստան գյուղում, վիճաբանության ժամանակ, 18-ամյա Գարիկ Շ.-ն սուր-կտրող ծակող գործիքով հարվածել է երիտասարդներին՝ պատճառելով վնասվածքները: Ոստիկանության Արտաշատի բաժնի ծառայողների ձեռնարկած միջոցառումներով Գարիկ Շ.-ն բերման է ենթարկվել բաժին և ներկայացվել մարզային քննչական վարչություն: Ձեռնարկվում են միջոցառումներ հանցագործության գործիքը հայտնաբերելու ուղղությամբ: Կատարվում է նախաքննություն: