Արսեն Թորոսյանը՝ Մալայան կենտրոնի դեպքի մասին

Ոստիկանությունում նյութեր են նախապատրաստվում որոշելու համար՝ քրեական գործ հարուցե՞լ, թե՞ ոչ: «Տեղեկացվել է նաև Առողջապահական և աշխատանքի պետական տեսչությունը, որ իրենց մասով էլ ուսումնասիրություն կատարեն, մեր կողմից ներգրավված են Դեղերի փորձագիտական կենտրոնի և Հիվանդությունների վերացման և կանխարգելման ազգային կենտրոնի աշխատակիցները, որ ամբողջ իսկությունը պարզվի, և հետևանքներ լինեն: Եթե պարզվի, որ մասնագիտական պարտականությունները կատարելիս եղել է անփույթ վերաբերմունք բուժաշխատողի կողմից, պետք է քրեական գործի շրջանակներում ունենա իրավական հետևանքներ, եթե համարվի, որ պատճառվել է տարբեր աստիճանի վնաս», – ասաց նախարարը: Թորոսյանի նշեց՝ ինչ վերաբերում է դեղին, ապա ըստ իրենց ունեցած տեղեկությունների, որը կրկին ճշգրտման կարիք ունի, դեղը ներմուծվել է պատշաճ, սերիան համապատասխանում է գրանցման պահանջներին: «Հետևաբար` մնում է ենթադրել, որ խնդիրն առաջացել է դեղի օգտագործման կանոնների խախտման արդյունքում և ոչ թե դեղի փչացած լինելու արդյունքում: Բայց սա միայն ենթադրություն է, պետք է պարզվի փորձաքննությամբ»,-ասաց Առողջապահության նախարարը։