Սիրիայում հայ երեխա է զոհվել

Սիրիայի հյուսիսում գտնվող Համա նահանգի Սկալբիա քաղաքում տեղի ունեցած հրթիռակոծության հետևանքով չորս երեխա է զոհվել: Հրթիռակոծությունն իրականացվել է ահաբեկչական խմբավորումնների կողմից: «Ռմբակոծության արդյունքում 5-10 տարեկան 4 երեխա է զոհվել, կան տասնյակ վիրավորներ: Զոհերից մեկը հայազգի Ջեսիկա Սեմերջյանն էր», - տեղեկանում ենք Հալեպում լույս տեսնող «Գանձասար» թերթից: Նշվում է նաև, որ երեկ ահաբեկչական խումբը կրկին կրակ է արձակել նույն բնակավայրում: Այս անգամ էլ մեկ զոհ կա և 5 վիրավոր: