Ռուսաստանը ներկա չի լինի Վլադիմիր Զելենսկիի երդմնակալությանը. Չեն հրավիրել

Ռուսաստանն այն երկրների թվում չէ, որոնց ներկայացուցիչներին հրավիրել են ներկա լինելու Ուկրաինայի նորընտիր նախագահ Վլադիմիր Զելենսկիի երդմնակալության արարողությանը, որը կայանալու է մայիսի 20-ին: Ինչպես փոխանցում է ТАСС գործակալությունը, այս մասին հայտնել է Ուկրաինայի ԱԳՆ խոսնակ Եկատերինա Զելենկոն: «ՌԴ-ն չի հրավիրվել այս միջոցառանը: Մենք հրավիրել ենք այն երկրներին, որոնք մեր գործընկերներն ու բարեկամներն են», - ասել է ԱԳՆ խոսնակը՝ ելույթ ունենալով տեղի հեռուստատեսությամբ: Ուկրաինայի Գերագույն ռադան մայիսի 16-ին հաստատել է Զելենսկիի երդմնակալության արարողության ամսաթիվը: Սահմանադրության համաձայն՝ պաշտոնական արարողակարգը տեղի կունենա խորհրդարանի նիստերի դահլիճում, որտեղ երկրի նոր ղեկավարը կերդվի պատգամավորների առաջ: