Ռոնալդուն 13 տարվա մեջ առաջին անգամ չի ընդգրկվել լավագույն ռմբարկուների եռյակում

Աշխարհի ամենահայտնի ֆուտբոլիստներից մեկը` «Ռեալ Մադրիդի» նախկին խաղացող և Պորտուգալիայի հավաքականի ավագ Քրիշտիանու Ռոնալդուն 13 տարվա մեջ առաջին անգամ չի ընդգրկվել Իտալիայի առաջնության 2018/2019 խաղաշրջանի լավագույն ռմբարկուների եռյակում։ Ցանկի առաջին հորիզոնականում իտալական «Սամպդորիայի» հարձակվող Ֆաբիո Կվալյարելան է, երկրորդում` Դուվան Սապատան («Ատլանտա», 23 գոլ), երրորդում` Քշիշտոֆ Պենտեկը («Ջենոա»/«Միլան», 22 գոլ)։ Միևնույն ժամանակ, Քրիշտիանուի թիմը` «Յուվենտուսը», դարձել է Իտալիայի չեմպիոն` 11 միավորով առաջ անցնելով «Նապոլիից»։