Կոտայքի մարզում Ford Transit-ով բախվել է երկաթբետոնե արգելապատնեշներին և գլխիվայր շրջվել

Այսօր՝ հունիսի 13-ին, խոշոր ավտովթար է տեղի ունեցել Կոտայքի մարզում։ Ժամը 06։00-ի սահմաններում Տավուշի մարզի բնակիչ՝ 21-ամյա Դավիթ Աբրահամյանը իր վարած Ford Transit մակնիշի 01 ՕՍ 114 համարանիշի ավտոմեքենայով Սևան-Երևան ավտոճանապարհի 49 կմ հատվածում դուրս է եկել ճանապարհի երթևեկելի գոտուց, բախվել երկաթբետոնե արգելապատնեշներին և գլխիվայր շրջվելով՝ մասամբ հայտնվել ճանապարհի երթևեկելի գոտում։ Ինչպես հայտնում է shamshyan.com՝ վթարի հետևանքով վարորդ Դ. Աբրահամյանը մարմնական վնասվածքներով տեղափոխվել է «Հրազդան» բժշկական կենտրոն, որտեղ բժիշկները նրա առողջական վիճակը գնահատել են բավարար։