Բռնաբարության փորձի համար մեղադրվողին տեղափոխել են Հայաստան

Հունիսի 20-ին, ժամը 00.35-ին, ոստիկանության քրեական հետախուզության գլխավոր վարչության եւ ՀՀ-ում Ինտերպոլի ԱԿԲ ծառայողների համատեղ օպերատիվ խմբի կողմից Ֆրանկֆուրտ-Մոսկվա-Երեւան չվերթով Հայաստան է տեղափոխվել 28-ամյա Մարտիկ Ն.-ն:

Ոստիկանությունից  հայտնում են, որ  նա 2015թ. օգոստոսի 22-ից ոստիկանության Քանաքեռ-Զեյթունի բաժնի կողմից հետախուզվում էր ՀՀ քրեական օրենսգրքի 34-138 հոդվածի (բռնաբարության փորձը) 2-րդ մասի 7-րդ կետի մեղադրանքով: